Wenn de dat seggt!

’n Hoop’n Lüüd dor an de Küst’
weet dat nich, und hebbt nie wüsst:
datt se glatt lateinisch könnt
Wenn se dör ehr Leben rennt.

Addl Cords hett’ ok nich weeten
As he nüülich mol son beet’n
utlangt no so’n blööde Fleeg;
...
As de nu doot so vör em leeg ;
Sä' ganz suutje Addl Chors :
“Kiek, de Brummer is in mors”!
----
„mors“; hett de Fleeg noch hört,
doch hett ehr dat nich stört;
und wöer ehr ok nich peinlich,
hett blots noch dacht:„lateinisch!“ -
„Is gewiss watt goodes!“
De Preester seggt ok "mors" und so, -
(bi 't Preestern hört man 't jümmers jo.)
- wenn een doot is -