MITLEIFGREISIS

Oft renn i hektisch umanaund
und füh mi afoch zu groß für mei Gwand.
I sog a oft was mich bedrückt,
aber irgendwie hat des no nie wem entzückt
i sag was
aber kaner heart ma zua
jeder wü hoit a nur sei Rua,
des gibt ma dann oft des Gfüh
dass mi hoit kaner wü .
Nur wos ER tuat, is richtig
jeder hoit sie söber nur für wichtig.
Do kumm i ma fur, wia von an aundern Planet
vastehst jetzt, wovon i red ?
wast wias ma daun geht ?
dann wü i nur auße, auße in die Wöt.

Kumm i dann auße von den Frust
woxt in mia die Lust,
i wü was mochen, muas was tuan
und sei’s in Afrika nach Wosser buan.
Do hab i an Drang, wü olles erneuern,
wü Spaß haben a bissel feiern.
Oba was dann is, des is ma jetzt scho kloa,
dass i ned feia und aned nach Afrika foa;
drum wird’s ma jetzt sche laungsam kloa
die Mitleifkreisis hot mi darennt,
des is da Grund warum i mi kana dakennt.

A mei Kreislauf spüt auf amoi varuckt,
komm ma oft fua wie ausgespuckt
wü überoi dabei sei, wü nix vasama
und häng doch nur herum ois wia a lahma.
Die Fiass tan ma weh, des Kreuz tut schmerzen
Manchmoi glaub i scho, i habs mitn Herzen
Aber nix davon is wirklich woa
Es stimmt nur an des is ma kloa

Jetzt i hab endlich die Wahrheit dakennt
Die Mitleifgreisis de hot mi darrent ……………