d'Nodfalldasch
woeß doch bschdimmd ganz hohrgenau
es gibt Siduaziona …
dia mr ned endfernd no ahnd
gwies au nia em voraus blahnd
do däd sich dui scho lohna …
Es kennd äbbes bassiera
dann miaschd de ned scheniera
on koschdbar isch oft d‘Zeit …
Scho mae Omma hads so gmachd
on bei Dag on ao bei Nachd
war d’Nodfalldasch bereit …
Weil scho der Gedangge dran
oem an Schregg vrsetza kann
lessd mr dess meischd sae …
Doch i hab heid scho en dr Friah
zu mir gsagd, jetzed odder niah
des Wichdigschd packsch fix ae:
An großa Schbiagl z’allererschd
fir d’Hohr on fir d‘Zeeh je a Berschd
drzua an Libbaschdift …
An Waschlapp on a Seifle
mae Nodfalldrillerpfeifle
Mäkap, dess ned vrwischt …
Dann Tembo für mae Nesle
fir d’Nachd no Jack on Hesle
Ersatzbrill samt Etwi ...
Zwoe Schreiberla, a Bleggle
a Milchschogglädleseggle
ja, dess vergess i nie ...
No Schampoo für mae Härla
zwoe Päckla Gummibärla
a Daschalamp als Licht ...
i denk, dess wär dann alles
hald so im Fall des Falles
mehr breichd i sicher nicht ...
Dui Dasch kommt griffbereid
jetzt kurzerhand uffd Seid
H a l t !!!
Dess Schogglädle kram i widder raus …
dess brauch i jetzt als Nerva-Schmaus.
schleck-schmatz 
on vielleicht no a bar Muldividamindrepfla
empfliehlt debi
Kommentare (9)
Liebe debi,
ich hab so eine Notfalltasche, und obenauf kommt jetzt dein Gedicht!
Das drucke ich aus und nehme es mit, vielleicht verbleibt mir dann im Krankenhaus noch ein Rest Humor, den ich mit meinen Zimmergenossinnen dann teilen kann.
Das Vorlesen wird mir schwer fallen... ich "höre" zwar in meinem Kopf den Dialekt gesprochen, aber herausbringen ist die andere Seite.
Schaun mer mal... Du erlaubst mir doch den Ausdruck mit deiner Unterschrift? Bitte!
Lieben Gruß,
Karin
@KarinIlona
Liebe KarinIlona, aber natürlich darfst du die Reime ausdrucken und einpacken. Und wenn du dann tatsächlich mal mit deiner Nodfalldasch "verreisen" müsstest, dann würde es mich freuen, wenn das Lesen der Zeilen Frohsinn verbreiten würde.
Herzlichen Dank für den netten Kommentar und das geschenkte 💖le. Bleib gesund und munter, das wünscht dir mit liebem Gruß
debi 
Vielen Dank, liebe Sofia 54 fürs Lesen und für das 💖le, das du
spendiert hast.
Auch dir gute Gesundheit 
und viele Grüßle
von debi
gud, dass ich sie nicht brauche
da müsste ich ja einen träger bestellen
lache und freue mich
ibber die nodfalldasch
die dir sehr gelungen ist liebe debi
wie immer hald
@protes
ach hade, jeder packt so a Dasch
on denkt drbei ... guad, wenn se hasch
wirschs eh ned braucha, s’geht dr guad
doch schnell kanns sei, dass weh dir duad
dae Kreiz, dr Bauch, an Arm, dr Kopf
ja dann merksch ... oh i armer Dropf
wer packt mir jetz dui Nodfalldasch ?????
Desshalb ischs guad, wennde oine hasch.
Schee, dassde da warsch on bleib gsond.
Grüßle von mir
Lisa Kestler , Claudine , WurzelFluegel und Manfred36
Gesundheit wünscht mit herzlichem Grußdebi
Liebe Debi,
i hob mi deppert gfreit über dei schene Gschicht.
A Nodfalldaschn hob i a. I tua no mei olts Taiblet rei, weil i vorm eischloffa so gern a Musi af Yutub her.
Bayern lässt herzlich grüßen
Claudine
@Claudine
Liebe Claudine
bei mir ischs emmer mae Aipädle ...
weil für dess handlich Deng
isch äxtra a Fächle em Däschle drenn
On mid so Schdepsela em Ohr
sengt bloooß für mi dr ganze Chor
‚s isch Troschd fir Kepfle on Härzle
heilt manchmal faschd jedes Schmärzle
danke dir
on a liebs Grüßle ausm Schwabenländle
debi
für die beiden 💖chen, die mich noch erreicht haben.
Liebs Grüßle von debi