Da oane und da anda .....

Das tägliche Gedicht vom Liederpoet

Da oane und da anda …..

Da oane, mog an Leberkas
der anda, mog en net
da oane, is gern früher dran
da anda, oiwei s‘pät
da oane, sauft an sauern Wein
da anda, liaba Bier
da oane, isst a Rindersteak
da anda, nix vom Tier
da oane, rennt in Kirch und bet
da anda, scheicht’s Weihwasser
da oane, langweilt sich mit Frauen
da anda, sagt Spaß hat er
da oane, glabt an gar nix mehr
da anda, an Allah
da oane, glabt ans Lem im All
da anda, sagt nix da
da oane, der hängt fest am Geld
da anda, der schenkt‘s her
da oane, strebt nach Macht und Ruhm
da anda, fährt ans Meer
da oane, mog sein Nachbarn net
da anda, hot en gern
da oane, mecht gern ewig lem
da anda, dad gern sterm
und wenn’st mi frogst was i gern mecht
sag i blos oans dazu
dazu sog i gar nix mehr
i mecht blos mei Ruah

© 2014 Der Liederpoet