Hallo wer kann mir helfen, ich suche den Text für das Lied:
"Ich möcht mal wieder ein Lausbub sein."

Vieleicht weiß ees Jemand von Euch Danke.

Habe inzwischen das Liederbuch von Werner Veidt im
EBY gefunden.(Knödler Verlag)

Hm, liebe magarete
das Lied schön und gut, ich möcht selber noch mal Lausbub sein! :-)

moecht amol wieder e Lausbua sei !


I moecht amol wieder e Lausbua sei,
ond meine Schualfreund waered d'rbei,
no daet i mit dene Indianerles schbiele,
ond mit em Pfeil nach de Schbatze ziele.
I moecht wieder o'reife Aepfel esse,
am "Abe" drausse Karl Mat Buecher lese
ond en dr Kueche d'Schuessel ausschlecke,
dr Grossmutter ihr Gebiss voschdecke.
Bei allem Bloedsinn waer i drbei.
I moecht mol wieder e Lausbua sei.

I moecht amol wieder barfuess laufe
ond mir fuer zeha Pfennig Baeredreck kaufe,
auf Nachbars Baum drobe d'Kirsche stenze,
ond en dr Schuel de Onterricht schwaenze.
I moecht mi wieder am Neckr romdruecke,
im Damabad durch d'Astloecher schpicke.
I moecht amol wieder d'Hos verreisse,
i moecht amol wieder ins Bett nei...schprenge.
Bei allem Bloedsinn waer i drbei,
i moecht amol wieder e Lausbua sei.

I moecht amol wieder mit Rossbolle scheisse,
de Maiakaefer de Kopf ra'beisse,
dr Katz von meiner Tante hinte
en Luftballon an de Schwanz na'binde,
i moecht ere wieder de Ranze verschlage,
de ganze Geschichtsonterricht verhonze,
Und em Herr Lehrer in Hut nei....spucke.
Bei allem Bloedsinn waer i drbei,
i moecht amol wieder e Lausbua sei.

I moecht amol wieder im Rege romwate,
ond meine Fuess im Guelleloch bade,
d'Schluesselloecher an unserer Schulhaustuere,
inne ond ausse mit Leim eischmiere,
mei weiss Matroseanzuegle a'ziega
ond damit in frische Kuahdreck neifliege.
De Meiers Fritz an de Loeffel fasse,
z'erscht hochhebe ond no platze lasse.
Bei allem Bloedsinn waer i drbei,
i moecht amol wieder e Lausbua sei.

Eins aber, do daerfsch mi net auslache,
eins moecht i als Lausbua doch nemme mache:
Mei Nueder, dui moecht i nemme ploge,
do war i gwiss nemme ogezoge.
I daet ihre helfe d'Waesch aufhaenge,
i daet ihre Kohle vom Keller raufbringe.
Weinachte moecht i sie au beschere,
do wuerd i mei Schparbuechsle leere,
nonter zom Apotheker laufe,
ond fuer zwanzig Pfennig e Hautkrem kaufe.

Ond frogt sie mi no:
"Fuer wen ischt denn des, Kend?"
No sag i: "Fuer deine abgschaffte Haend!
Komm, Mamma, jetzt woelle mrs glei probiere."
No daet i ihre Haend mit Hautkrem eischmiere.

Ond deshalb, net wege dem Bloedsinn allei,
Moecht i amol wieder e Lausbua sei.

(Werner Veidt)