Benutzerprofil von pauli22

Grüßle Gerdi

Dor Sperlich
Breslauer Mundart
A Sperlich woar, a frecher,
dar flug uff olle Dächer,
dar flug uff olle Tärme
mit unverschamtem Lärme.
A froaß, woas a erwischte,
kemm andern gunnt a nischte;
is sullde kees nischt assa,
oll`s wulld` a salber frassa.
A froaß sich rund und dicke
und krigt a steif Genicke
und krigt a fettes Wampla,
als wie a Putterstampla.
A wurde rund und runder,
is ging schunt nischt meh nunder;
a wurde immer fetter,
doch froaß a immer wetter.
Noch sieba Tage froaß a,
om achta Tage soaß a
mit uufgebloosna Ziepsa
und kunnde nimme giepsa.
Uff eemoll hurrt merrsch kracha,
merr finga oan zu lacha.
Doo loag doas Viehch, doas dicke,
zerplotzt ei tausend Stücke.
von Ernst Schenke