De Harvst
https://upload.wikimedia.org/wikipedia/commons/7/79/Noon%2C_rest_from_work_-_Van_Gogh.jpeg
De Harvst
De Harvst, he geht no gau int Land -
dat Koorn, de Äerpels inne Schüür
all dütt, dat is een grootet Pfand
för't Lewen, no wöd't nich so düür,
alls lagert föör de Wintertied -
de noahste Sommer is noch wied.
Dat Veeh, dat is lang uppen Stall;
De Rööpen de sünd rundüm vull -
för so wat sorgt de Buren all.
För een paar Monde langt et wull-
se brukt noh fresen nich un smachten,
doa is alltieds good drupp to achten.
De Bööm, de smiet dat Loov herunner,
de Wind de wait't to groote Hopen,
doa kruupt de Winterschlöaper drunner,
so aff un an süht man se loopen.
Ant Herdfüür is't no mollig warm
un Moder nümmp eern Kind in'n Arm.
©Luzie Rudde
Kommentare (5)
@Pan
so ist dat, de Sprook is van Kaspel to Kaspel en beetken anners,
ick bedank miej ook recht leew vör Diene Gröten und schicke Diej
sunndächlich trügge.
Luzie
un weilimi so aschdrenge gmissd hab
bittidi, dasses nägschdemool widder
e guds deisch benudsch
im grund schdimmd ja wass da zsammena gschribbe hasch
die mudder had scho glig ghad, dasse numme ai kind had.
odder habbi dess ned richdig vrschdanne?
so en herbschd abber a
en liebe gruß hade
@protes
nana, noh spektakel men nich met mij herüm, diene Sprook , doa moss ick mienen Gripps innen Kopp ook up trapp breggen, verstehs mij?
awwer, Du hässt jo wall alle up de Riege kreggen, wie ick dat feststell.
Noch eens; de Moder hadde aller Wohrschienlichkait noah, wall mehr as een Kind inne Arme nommem, äwens, immer eene noat dat annere, so wie dat to domoalige Tied äwens was.
Un noh hopp ick,dat Du tofräne büss.
Ick bedank mij ook vann Hatten, dat Du Dij up mienen Harvst inneloaten häss; ick wett jo, datt Du süss ne ganz patenten Kärl büss 😉
un... no lott Dij wat moolen, segg wij so aff un an
meet ne lewen Gruß Luzie
Dat is een heel fien Riemel, leev Lillii.
jedeene Sprak is nu mol verscheden - bi uns
in Ostfreesland is dat noch 'n bietje anners!
Beste Gröten
Horst